“Barselona” yevrokuboklardagi gollar soni bo‘yicha “Real”ni ortda qoldirdi

Yevropa Chempionlar Ligasi guruh bosqichining 5-turi doirasidan o‘rin olgan “Barselona” va “Roma” o‘rtasidagi o‘yindan so‘ng mezbonlar o‘ziga xos rekord qayd etdi, deb xabar qiladi “Stadion.uz”.

Raqib darvozasiga 6 ta to‘p kirita olgan “Barselona” yevrokuboklardagi gollar soni bo‘yicha azaliy raqibi “Real”ni ortda qoldirdi. Mazkur o‘yindan so‘ng kataloniyaliklarning hisobidagi gollar soni 1028 taga yetdi. Hozirga qadar 1026 ta gol urgan “Real” esa shu tariqa bu borada ikkinchi o‘ringa tushib qoldi.

Eslatib o‘tamiz, 26-noyabrga o‘tar kechasi Lvov shahrida bo‘lib o‘tadigan “Shaxtyor” va “Real” bahsida mehmonlar ikki va undan ortiq gol kirita olsa, yana birinchi o‘ringa chiqib olishi mumkin.