BMT bosh kotibi Pan Gi Mun kelgusi haftaning aksariyat qismini Nyu-Yorkda o‘tkazadi, so‘ng Millatlar hamdo‘stligi sammitida ishtirok etish uchun Maltaga jo‘nab ketadi. Shuningdek, iqlim bo‘yicha xalqaro anjuman o‘tkaziladigan Fransiyaga ham tashrif buyuradi. Bu haqda bosh kotibning rasmiy vakili Stefan Dyujarrik ma’lum qildi, deya xabar beradi “Korrespondent.net”.
Shu tariqa Pan Gi Mun 23-noyabr kuni Shimoliy Koreyaga borishi va to‘rt kun mobaynida mazkur mamlakatda bo‘lishi haqida paydo bo‘lgan xabarlar inkor etildi. Ayni paytda, Dyujarrik bosh kotib Koreya yarimorolida tinchlik, barqarorlik va o‘zaro muloqot o‘rnatilishi uchun barcha sa’y-harakatlar, jumladan, KXDRga tashrifga ham tayyor ekanligini ko‘p bor ta’kidlaganini eslatib o‘tdi.
Izoh (0)