Hindiston janubidagi Tamilnadu shtatida yuz bergan suv toshqini natijasida 150 dan ziyod kishi halok bo‘ldi, 60 mingga yaqin kishi mol-mulk va boshpanasidan ayrilib, xavfsiz joylarga evakuatsiya qilindi. Bu haqda shtat politsiyasiga tayanib, “TASS” xabar bermoqda.
Toshqinga bir haftadan buyon to‘xtamay yog‘ayotgan jala sabab bo‘ldi, u daryo sathining ko‘tarilishiga olib keldi. Shtat ma’muriy markazi bo‘lgan Chennay shahri, shuningdek, boshqa qator okruglar shtat hukumati tomonidan tabiiy ofat zonasi deb e’lon qilindi.
U yerga aholiga shoshilinch yordam berish uchun 16 ta qutqaruv jamoasi yo‘naltirildi, ko‘ngillilar toshqin natijasida qamalda qolgan tumanlarga oziq-ovqat va ichimlik suvi yetkazib bermoqda.
Shtat hukumati aholi va jabrlangan tumanlarga ko‘mak sifatida 500 milliard rupiya (7,6 milliard dollar) ajratilganini e’lon qildi.
Izoh (0)