Fransiyada aksilterrorchilik reydlari 16-noyabrga o‘tar kechasi boshlandi

16-noyabr, dushanbaga o‘tar kechasi Fransiyaning turli shaharlarida aksilterrorchilik reydlari boshlandi, deya xabar bermoqda “RIA Novosti”.

Operatsiyalar Sen-Sen-Deni departamentidagi Bobinyi shahrida joylashgan Grenobl, Jemon, Eshirol, Fonten, Sen-Marten-d’Er kommunalarida olib borilmoqda.

Grenobl kommunasida kamida sakkizta tintuv o‘tkazilib, qurol-yarog‘ va pul mablag‘lari musodara etilgan. Ta’kidlanishicha, prezident Fransua Olland tomonidan joriy qilingan favqulodda holat tintuvlarni prefekt (departament boshlig‘i) buyrug‘i bilan kechasi o‘tkazish imkonini beradi.

Eslatib o‘tamiz, Parijdagi teraktlar ketma-ketligi 13-noyabr oqshomida yuz berdi. Terrorchilar “Stad de Frans” stadioni yaqinida bomba portlatdi, bir qator restoranlar va konsert zalidagi tomoshabinlarga qarata o‘t ochdi. So‘nggi ma’lumotlarga ko‘ra, teraktlar oqibatida 129 kishi halok bo‘lgan.

• Voqea: Parijdagi teraktlar