Францияда аксилтеррорчилик рейдлари 16 ноябрга ўтар кечаси бошланди

16 ноябрь, душанбага ўтар кечаси Франциянинг турли шаҳарларида аксилтеррорчилик рейдлари бошланди, дея хабар бермоқда «РИА Новости».

Операциялар Сен-Сен-Дени департаментидаги Бобиньи шаҳрида жойлашган Гренобль, Жемон, Эшироль, Фонтен, Сен Мартен-д’Эр коммуналарида олиб борилмоқда.

Гренобль коммунасида камида саккизта тинтув ўтказилиб, қурол-яроғ ва пул маблағлари мусодара этилган. Таъкидланишича, президент Франсуа Олланд томонидан жорий қилинган фавқулодда ҳолат тинтувларни префект (департамент бошлиғи) буйруғи билан кечаси ўтказиш имконини беради.

Эслатиб ўтамиз, Париждаги терактлар кетма-кетлиги 13 ноябрь оқшомида юз берди. Террорчилар «Стад де Франс» стадиони яқинида бомба портлатди, бир қатор ресторанлар ва концерт залидаги томошабинларга қарата ўт очди. Сўнгги маълумотларга кўра, терактлар оқибатида 129 киши ҳалок бўлган.

• Воқеа: Париждаги терактлар