O‘zbekiston Respublikasi Vazirlar Mahkamasining 2011-yil 18-noyabrdagi qaroriga muvofiq, joriy yilning 20-noyabridan 20-dekabriga qadar mamlakatda Yong‘in xavfsizligi oyligi o‘tkaziladi. Bu haqda O‘zA xabar bermoqda.
Ushbu oylikdan ko‘zlangan asosiy maqsad iqtisodiyot tarmoqlari va ijtimoiy soha ob’ektlari, shuningdek, uy-joy fondini yong‘in xavfsizligi talablariga muvofiq holga keltirish hamda o‘ta muhim davlat ahamiyatiga molik yoki yong‘in xavfi yuqori bo‘lgan ob’ektlarda yong‘in xavfsizligini mustahkamlash bo‘yicha kompleks chora-tadbirlarni amalga oshirishdan iborat.
O‘zbekiston Respublikasi IIV Yong‘in xavfsizligi bosh boshqarmasining ushbu oylik munosabati bilan e’lon qilingan murojaatida tadbirda aholi ishtirokiga alohida urg‘u berilgan. “Sizlardan ushbu tadbirda faol ishtirok etishingizni so‘raymiz. Yong‘in xavfsizligi qoidalariga qat’iy rioya qilib, Siz nafaqat oylikning faol ishtirokchisiga aylanasiz, balki bu bilan davlat va o‘z shaxsiy mulkingizni, uy-joyingizni yong‘indan asragan, shuningdek, yaqinlaringiz va farzandlaringiz xavfsizligini ta’minlagan bo‘lasiz”, — deya ta’kidlanadi mazkur murojaatda.
Izoh (0)