Germaniyaning Ekental shahrida tennis bo‘yicha “Chellenjer” turkumiga kiruvchi, sovrin jamg‘armasi 35 ming yevrodan iborat bo‘lgan turnirning asosiy to‘r bahslari davom etmoqda, deya xabar bermoqda “Olamsport”.
Musobaqada qatnashayotgan o‘zbekistonlik tennischi Farrux Do‘stov juftliklar bahsida ikkinchi davraga yo‘llanma olgani haqida avvalroq xabar berilgan edi.
Biroq, O‘zbekistonning ikkinchi raketkasi 4-noyabr kuni bo‘lib o‘tgan yakkalik bahslari birinchi bosqichi doirasida Bosniya va Gersegovina vakili Mirza Basichga qarshi kortga chiqib, yutqazdi.
Musobaqaning yakkalik bahslarida 8-raqam ostida tasniflangan Farrux Do‘stov bosniyalik raqibiga 1:6, 6:7 hisobida imkoniyatni boy berdi.
Izoh (0)