Madridning “Real” futbol klubi hujumchisi Krishtianu Ronaldu o‘z futbolkasini jahonning eng semiz odamiga sovg‘a qildi. Bu haqda “Chempionat” xabar bermoqda.
Meksikalik 37 yoshli Andres Morenoning og‘irligi 435 kilogrammga teng va u jahondagi eng semiz odam hisoblanadi.
Moreno operatsiya qilinishi arafasida Ronaldu o‘zining dastxati tushirilgan futbolkani meksikalikka sovg‘a qildi.
Avvalroq, dunyodagi eng semiz odam operatsiyaga tayyorlanayotgani haqida xabar berilgan edi. Operatsiyadan so‘ng Andres Moreno vazn tashlashga va hayotini yengillashtirishga umid qilmoqda.
Moreno tug‘ilganidanoq ortiqcha vazndan aziyat chekib keladi, bu undagi moddalar almashinuvi buzilgani bilan bog‘liq. U tanovul qilgan aksariyat taomlar yog‘ga aylanadi.
Izoh (0)