Futbol bo‘yicha Rossiya Premer-ligasining 14-turidan o‘rin olgan barcha uchrashuvlar Misrda qulagan Airbus 321 layneri qurbonlari xotirasi uchun bir daqiqalik sukut bilan boshlanadi. Bu haqda, liga ijrochi direktori Sergey Chebanga asoslanib, “R-Sport” xabar bermoqda.
“Futbol bo‘yicha Rossiya chempionati 14-turining barcha uchrashuvlari bir daqiqalik sukut saqlash bilan boshlanadi. Bu juda ayanchli fojia. Bolalar, kattalar... Til ojiz”, — dedi Cheban.
Tur 31-oktabr, shanba kuni Toshkent vaqti bilan 16:30 da Ximkida, SSKA va “Ufa” jamoalari o‘rtasidagi uchrashuv bilan boshlanadi, 2-noyabr, dushanba kuni Rostovda bo‘ladigan “Rostov” — “Dinamo” bahsi bilan yakuniga yetadi.
Eslatib o‘tamiz, Airbus 321 layneri 31-oktabr, shanba kuni Toshkent vaqti bilan 8:51 da Sharm-ash-Shayxdan Sankt-Peterburg tomon havoga ko‘tarilgan va oradan 23 daqiqa o‘tib Misrning El-Arish shahri yaqinida qulagan. Layner bortida 224 kishi bo‘lgan, hodisa natijasida omon qolganlar bo‘lishi mumkinligi aytilmoqda.
Izoh (0)