Berlin hukumati Ikkinchi jahon urushi paytlarida tashlangan, biroq portlamay qolib ketgan aviabomba tufayli, yahudiylar muzeyini evakuatsiya qildi, deya xabar bermoqda Associated Press. Snaryad muzey yaqinidagi qurilish maydonidan topildi.
Aniqlangan aviabombaning og‘irligi 250 kilogramm bo‘lib, u Uchinchi Reyx poytaxtiga hujumlar chog‘ida ittifoqdoshlar aviatsiyasi tomonidan tashlangan. Urush tugaganiga 70 yildan oshgan bo‘lsa-da, Berlinda haligacha portlamay qolgan snaryadlarni topishmoqda.
Ikkinchi jahon urushi davomida Germaniya poytaxtiga 363 marta aviahujum uyushtirilgan. Uni Sovet Ittifoqi, AQSh va Buyuk Britaniya harbiy-havo kuchlari bombardimon qilgan.
Izoh (0)