Туркия мамлакат ва унинг ташқарисида 2000 нафар жангарини йўқ қилди. Бу ҳақда президент Ражаб Тоййиб Эрдўғон AHaber телеканали эфирида маълум қилган, дея хабар беради «РБК».
Хабарда айнан қайси давр ҳақида гап кетаётгани аниқлаштирилмаган. Туркия мамлакатнинг турли ҳудудларидаги туркум ҳужумлар учун жавобгар бўлган экстремистик ташкилотлар, жумладан, ИШИД, Курдистон ишчи партияси (КИП) ҳамда сўл кайфиятдаги гуруҳларга қарши амалиётларни 24 июлдан бошлади. Уларда минглаб полициячи ва махсус бўлинмалар жангчилари иштирок этмоқда.
25 июлда эса Туркия самолётлари Сурия ва Ироқда ИШИД ҳамда КИП марраларини бомбардимон қилди.
Эслатиб ўтамиз, 10 октябрь куни Анқарада содир этилган портлашлар оқибатида 120 нафардан зиёд киши ҳалок бўлгани қайд этилди. Расмийлар мазкур терактда ИШИДни гумон қилиш билан бирга КИПни ҳам назардан четда қолдирмаган.
Изоҳ (0)