Puerto-Riko gubernatori Alexandro Garsiya Padilya do‘konlarda plastik qoplardan foydalanishni taqiqlovchi qonunni imzoladi. “Korrespondent.net” xabariga ko‘ra, taqiq 2016-yil o‘rtalaridan kuchga kiradi.
Qonun huquqshunoslarni hayron qoldirdi, chunki yaqinda 25 nafar mahalliy deputat shunday taklifni rad etgan edi. Ularning fikricha, Puerto-Rikoning qarz inqirozi ayni avjiga chiqqan vaqtda bu qonun xaridorlarni nisbatan qimmat qadoqlardan foydalanishga majbur qiladi.
O‘z navbatida, Padilya bitta savdo tarmog‘i tomonidan bir yil davomida import qilingan plastik paketlarni oltita temiryo‘l vagoniga sig‘dirish mumkinligini ma’lum qildi. “Bu paketlarning barchasi, voqealarning eng yaxshi rivojida, chiqindixonalardan o‘rin oladi”, — dedi gubernator.
“Eng yomon holatda ular bizning ko‘chalarimiz va kanalizatsiyalarimizni ifloslantiradi va toshbaqalarimiz hamda marjon qoyalarimizni o‘ldiradi”, — deya qo‘shimcha qildi Alexandro Garsiya Padilya.
Izoh (0)