Франция полицияси маҳаллий аҳолига Хеллоуин байрамига бошқа одамлар учун хавф туғдирувчи либослар кийиш ва реквизит қўллашни тақиқлаб қўйди, дея хабар бермоқда The Local.
Полициячилар департаментнинг Twitter’даги саҳифасида ўзлари хавфли деб ҳисоблайдиган либослар ҳақида батафсил маълумот берди. Шунингдек, рухсат этилган ва мақбул бўлмаган либос ва аксессуарларни кўрсатиб берувчи тасвирлар жойланди. Хусусан, тўппонча ва милтиқ макетларини олиб юриш мумкин эмас.
Полициянинг бундай қарорига 2015 йил февралида Ниццада содир бўлган ҳодиса сабаб бўлди. Ўшанда тартиб посбонлари қўлида Калашников автомати билан кўча кезиб юрган кишини қўлга тушириш бўйича катта кўламда операция бошлаган, у эса маскарад либосидаги 17 ёшли мактаб ўқувчиси бўлиб чиққан эди.
Изоҳ (0)