Samsung kompaniyasi Galaxy View planshetini rasman taqdim etdi, deya xabar bermoqda “Hi-tech.mail.ru”. Yangi qurilma ulkan 18,4 dyuymli ekran va 3 kilogrammga yaqin og‘irligi bilan ajralib turadi.
Planshet multimediali kontentdan faol ravishda foydalanuvchilar uchun mo‘ljallangan. U Android 5.1 Lollipop asosidagi Media UX interfeysiga ega.
Ekran TFT texnologiyasi bo‘yicha ishlangan va 1920×1080 pikseldan iborat. Qurilma sakkiz yadroli protsessor, 2 Gb tezkor va 32/64 Gb ichki xotira (+microSD), 2,1 megapikselli old kamera (orqa kamera yo‘q)ga ega. Uning 5700 mA/s sig‘imli akkumulyatori 8 soat davomida to‘xtovsiz video ko‘rish imkonini beradi.
Samsung Galaxy View uni olib yurish qulay bo‘lishi uchun tutqich bilan jihozlangan. Devaysning og‘irligi 2,65 kg, o‘lchamlari 275,8×451,8×11,9 mm.
Samsung yangi qurilma narxlarini e’lon qilganicha yo‘q.
Izoh (0)