Samsung 3 килограммлик янги планшетини тақдим этди

Samsung компанияси Galaxy View планшетини расман тақдим этди, дея хабар бермоқда «Hi-tech.mail.ru». Янги қурилма улкан 18,4 дюймли экран ва 3 килограммга яқин оғирлиги билан ажралиб туради.

Планшет мультимедиали контентдан фаол равишда фойдаланувчилар учун мўлжалланган. У Android 5.1 Lollipop асосидаги Media UX интерфейсига эга.

Экран TFT технологияси бўйича ишланган ва 1920×1080 пикселдан иборат. Қурилма саккиз ядроли процессор, 2 Гб тезкор ва 32/64 Гб ички хотира (+microSD), 2,1 мегапикселли олд камера (орқа камера йўқ)га эга. Унинг 5700 мА/с сиғимли аккумулятори 8 соат давомида тўхтовсиз видео кўриш имконини беради.

Samsung Galaxy View уни олиб юриш қулай бўлиши учун тутқич билан жиҳозланган. Девайснинг оғирлиги 2,65 кг, ўлчамлари 275,8×451,8×11,9 мм.

Samsung янги қурилма нархларини эълон қилганича йўқ.