Ruhiy nosog‘lom kishi Belgiya bosh vaziri Sharl Mishelning kortejiga hamrohlik qilayotgan politsiya avtomobiliga hujum qildi. “Yevropeyskaya pravda” xabariga ko‘ra, hodisa kortej Belgiyaning Namyur shahriga ketayotgan vaqtida yuz bergan.
Belgiyaning DH nashrining xabar berishicha, qo‘riqlash xizmati zudlik bilan huquqbuzarni zararsizlantirgan. Qo‘lga olingan shaxsning tan olishicha, u anarxist bo‘lib, miltillab turuvchi ko‘k mayoqcha bilan jihozlangan avtomobillar uning asabiga tegadi.
Hodisa haqida nisbatan batafsil axborot yo‘q. Faqat kortejga hujum qilgan shaxs ruhan nosog‘lom ekani, u avval ham “politsiya avtomobillariga hujum qilgani uchun” hibsga olingani ma’lum qilingan. Bundan tashqari, huquqbuzar kortejda Belgiya bosh vaziri ketayotganini bilmagan.
Izoh (0)