Yaponiya bosh vaziri Sindzo Abening rasmiy tashrifi doirasida Yaponiya ishbilarmon doira vakillari tarkibida NEC korporatsiyasi ijrochi vitse-prezidenti Xideichi Okada O‘zbekistonga keldi. Bu haqda O‘zbekiston Axborot texnologiyalari va kommunikatsiyalarini rivojlantirish vazirligi Axborot xizmati xabar bermoqda.
Xabar berishlaricha, 24-oktabr kuni vazirlikda Xideichi Okada bilan uchrashuv bo‘lib o‘tgan.
Uchrashuv davomida telekommunikatsiyalar va axborot texnologiyalari sohasidagi joriy va istiqbolli loyihalarni amalga oshirish doirasidagi keyingi hamkorlik masalalari muhokama qilindi, axborot-kommunikatsiya texnologiyalari sohasida kadrlarni tayyorlash sohasida hamkorlik qilish rejalari bo‘yicha fikr almashildi, yangi innovatsion loyihalarni ishlab chiqish imkoniyatlari ko‘rib chiqildi.
Izoh (0)