Жанубий африкалик Токио Сексвале Халқаро футбол федерацияси (ФИФА) президентлигига номзодини қўяди. Бу ҳақда унинг вакилига таяниб, Reuters маълум қилди, дея хабар беради «ТАСС».
Олдинроқ Жанубий Африка футбол федерацияси (SAFA) собиқ сиёсий маҳбус ва ирқий камситишга қарши кураш қаҳрамонини қўллаб-қувватлашини маълум қилди.
Эслатиб ўтамиз, шу кунгача ФИФА президентлигига Тринидад ва Тобаго терма жамоасининг собиқ сардори Дэвид Нахид, Иордания шаҳзодаси Али бин ал-Ҳусайн, УЕФА раҳбари Мишель Платини, ФИФА бош котибининг собиқ ўринбосари Жером Шампань ўз номзодини илгари сурган. Талабномалар бериш 26 октябрда якунланади.
Изоҳ (0)