Fiat Chrysler avtokonserni bilan maoshlarni oshirish borasida kelishib olgan AQSh avtomobilsozlik sanoati ishchilarining birlashgan kasaba uyushmasi (UAW) General Motors’ga ish tashlash tashkil etish bilan tahdid qilmoqda. Bu haqda “Kommersant” xabar bermoqda.
UAW General Motors’dan korporatsiya zavodlaridagi ishchilarning maoshlarini sezilarli darajada oshirishni talab qilmoqda. UAW saytida xabar berilishicha, kasaba uyushmasi va General Motors o‘rtasidagi to‘rt yillik bitim 25-oktabr kuni soat 23:59 da yakuniga yetadi.
Agar muddat yakuniga yetguniga qadar avtomobilsozlik kompaniyasi kasaba uyushmasini qoniqtiruvchi taklif bilan chiqmasa, General Motors’ning AQShdagi zavodlarida mehnat qilayotgan 52 mingdan ortiq ishchi ish tashlashni boshlaydi.
Qayd etishlaricha, bunda gap mehnat haqini Fiat Chrysler’dan ham ko‘proq oshirish haqida bormoqda. Kasaba uyushmasi vakillarining qayd etishicha, General Motors o‘z raqobatchisidan ko‘ra ko‘proq pul ishlaydi, shu sababli jiddiyroq xarajatga qodir.
Izoh (0)