“Yulduzlar jangi: kuchning uyg‘onishi” filmi premyerasiga chiptalar AQShda tezda sotib olindi va endi ularning eBay onlayn-auksionidagi narxi 8 ming dollarga yetmoqda. Florida shtatining Orlando shahridagi kinoteatrda chipta uchun shuncha pul so‘rashgan. Bu haqda Entertainment Weekly xabar bermoqda.
Ogayo shtatidagi Nort-Kanton shahrida premyeraga VIP-xizmat bilan ikki kishilik chipta 10 ming dollar baholangan va eBay orqali sotuvga qo‘yilgan. Boshqa sotuvchilar chipta uchun 1000, 750 va 400 dollar ham so‘ramoqda.
Sotuvchilar orasida o‘g‘li premyeraga qancha do‘stini olib kelishini bilmay, Nyu-Yorkdagi kinoteatrning butun boshli qatorini har ehtimolga qarshi sotib olgan amerikalik ayol ham bor. U endi har bir chiptani 120 dollardan sotishga tayyor bo‘lib turibdi. Eslatib o‘tamiz, AQSh kinoteatrlarida chiptaning o‘rtacha narxi 8 dollar turadi.
“Yulduzlar jangi: kuchning uyg‘onishi” filmiga chiptalar 19-oktabrdan boshlab sotilmoqda.
Izoh (0)