«Юлдузлар жанги: кучнинг уйғониши» фильми премьерасига чипталар АҚШда тезда сотиб олинди ва энди уларнинг eBay онлайн-аукционидаги нархи 8 минг долларга етмоқда. Флорида штатининг Орландо шаҳридаги кинотеатрда чипта учун шунча пул сўрашган. Бу ҳақда Entertainment Weekly хабар бермоқда.
Огайо штатидаги Норт-Кантон шаҳрида премерага VIP-хизмат билан икки кишилик чипта 10 минг доллар баҳоланган ва eBay орқали сотувга қўйилган. Бошқа сотувчилар чипта учун 1000, 750 ва 400 доллар ҳам сўрамоқда.
Сотувчилар орасида ўғли премерага қанча дўстини олиб келишини билмай, Нью-Йоркдаги кинотеатрнинг бутун бошли қаторини ҳар эҳтимолга қарши сотиб олган америкалик аёл ҳам бор. У энди ҳар бир чиптани 120 доллардан сотишга тайёр бўлиб турибди. Эслатиб ўтамиз, АҚШ кинотеатрларида чиптанинг ўртача нархи 8 доллар туради.
«Юлдузлар жанги: кучнинг уйғониши» фильмига чипталар 19 октябрдан бошлаб сотилмоқда.
Изоҳ (0)