Malida fransiyalik uch nafar askar mina portlashi oqibatida turli xil og‘irlikdagi tan jarohati oldi. Bu haqda 15-oktabr, payshanba kuni Fransiya harbiy kuchlari vakili tomonidan berilgan manbalarga tayangan holda “RIA Novosti” xabar bermoqda.
Ta’kidlanishicha, fransuz bosh qo‘mondonligining rasmiy vakili, polkovnik Jil Jaron bergan ma’lumotga asosan, noxush hodisa 13-oktabr, seshanba kuni, kunning ikkinchi yarmida ro‘y bergan.
Malidagi inqiroz, unga qo‘shni bo‘lgan Liviyada, 2011-yilda Muammar Qaddafiyning hukumati to‘ntarilganligi oqibatida Mali hududiga tuareg qabilasidan bo‘lgan qochqinlarning oqimi kirib kelishi sababli paydo bo‘lgan. Malining shimoliy qismini egallab olgach, qochqinlar u yerda Azavad davlatini tuzganini e’lon qildi. Keyinchalik, tuareglarni ular egallab turgan hududlardan ekstremistlar siqib chiqardi
Fransiya armiyasi bo‘linmalari Malida bo‘lib o‘tayotgan harbiy operatsiyalarda 2013-yilning boshidan buyon ishtirok etmoqda.
Izoh (0)