Йил бошидан буён Европага Ўртаер денгизи орқали 593 432 нафар муҳожир ва қочоқ келди, дея хабар бермоқда «Корреспондент.net» Халқаро миграция ташкилотига таяниб.
Муҳожир ва қочоқларни энг кўп Греция қабул қилган (454 минг киши), иккинчи ўринда Италия (136 минг киши). Хабарларга кўра, муҳожирларнинг кўпчилиги Суриядан келган.
Таъкидланишича, Грецияга асосан уруш ва қувғиндан қочаётган кишилар, Италияга эса низолар, репрессив режим, шунингдек, қашшоқлик кабилардан жон сақлаётган одамлар боради.
Муҳожирлар оқими ҳамон тўхтамаяпти. Сўнгги тўрт кун ичидаёқ Европадаги муҳожир ва қочоқлар сони 13 минг кишига ошган. Шу билан бирга, уч минг нафар муҳожир Европа қирғоқларига етиб олишга уриниш чоғида денгизда ҳалок бўлган.
Изоҳ (0)