Boris Nemsov o‘ldirilishi bilan bog‘liq jinoiy ish qatnashchilariga davlat arbobi hayotiga qasd moddasi bo‘yicha ayblov qo‘yilmaydi va ayblov moddalari o‘zgartirilmaydi. Bu haqda o‘z manbalariga tayanib, “Interfaks” ma’lum qildi, deya xabar beradi Meduza.
Nemsov oilasining vakillari sentabr oyida mazkur jinoyatni “davlat arbobi hayotiga qasd” tarzida talqin etish bo‘yicha tergovga murojaat etgan edi. Buning uchun ular Boris Nemsov o‘ldirilgan paytida Yaroslavl viloyat dumasi deputati, muxolifatdagi partiya hamraisi bo‘lgani, unda avval esa gubernator, Davlat dumasi deputati sifatida faoliyat ko‘rsatgani, hukumatda yuqori lavozimlarni egallaganini asos qilib ko‘rsatgan.
Eslatib o‘tamiz, oldinroq Rossiya Federatsiyasi Tergov qo‘mitasi Boris Nemsov o‘ldirilishi bilan bog‘liq jinoiy ish yuzasidan belgilangan barcha ekspertizalarni yakuniga yetkazgani xabar qilingan edi.
Izoh (0)