Manxettenning (Nyu-York) Medison-avenyusida joylashgan The Mark mehmonxonasida dunyodagi eng qimmat pentxaus ochildi. Mazkur koshona 1115 kvadrat metr maydonga ega va ikki qavatdan iborat. Bu haqda “Korrespondent.net” xabar bermoqda.
Beshta yotoqxonali nomerda bir kecha tunash sayyoh uchun 75 ming dollarga tushadi. Shu bois pentxaus AQShdagi oliy toifaga mansub eng katta va eng qimmat nomerga aylandi. Uning hududiga mehmonxona tomidagi Markaziy park va Kraysler-bilding manzaralari namoyon bo‘luvchi 223 metrli terrasa ham qo‘shilgan.
Pentxausdagi mebellarning barchasi fransuz dizayneri Jak Granj tomonidan yaratilgan. Yotoqxona kaminli mehmonxonaga ega, shuningdek, 24 kishilik tamaddixona va garderob uchun mo‘ljallangan burchak mavjud. Bu yerda istiqomat qiluvchilar Mishlen restorani bosh oshpaziga taom buyurtma qilishlari mumkin.
Mehmonxona vakillarining ta’kidlashicha, pentxaus birinchi galda Yaqin Sharq va Osiyodan tashrif buyuradigan oliymaqom mehmonlar uchun mo‘ljallangan.
Izoh (0)