“Transaero” aviakompaniyasi bankrot deb e’lon qilinadi. Rossiya hukumati bosh vazir Dmitriy Medvedev huzuridagi yig‘ilish yakunlari bo‘yicha shunday qarorga kelgan. Bu haqda “Gazeta.ru” xabar bermoqda.
Ma’lumotlarga ko‘ra, avval mazkur kompaniyani o‘z tarkibiga qo‘shib olishi aytilayotgan Rossiyaning eng yirik aviakompaniyasi — “Aeroflot” bundan qat’iyan bosh tortgan. Shu bois hukumatning kompaniyani bankrot etishdan boshqa chorasi qolmagan. Hozirda bu jarayonning qanday kechishi o‘rganib chiqilmoqda.
“Birinchidan, ‘Transaero’ning 250 milliard rubl atrofidagi qarzlaridan kim va qancha olishiga aniqlik kiritish lozim, — deya ta’kilagan vaziyatdan xabardor manba. —Ikkinchidan, yo‘lovchilar va aviakompaniya xodimlarini nima kutayotganligiga oydinlik kiritish lozim. Aynan shu masala hukumatda muhokama qilinmoqda”.
Izoh (0)