30-sentabr, chorshanba kuni Suriyaning Xoms provinsiyasi bombardimon qilinishi oqibatida kamida 27 kishi, jumladan, 6 nafar bola halok bo‘ldi. Bu haqda “RBK” xabar bermoqda.
Londonda joylashgan Suriya inson huquqlarini himoya qilish markazi ma’lumotlariga ko‘ra, zarbalar Xoms shahri shimoliga qaratilgan. O‘nlab odamlar jarohatlangani aytilmoqda.
Eslatib o‘tamiz, oldinroq Suriya prezidenti Bashar Asad harbiy yordam so‘rab, Rossiyaga murojaat etganligi, Federatsiya Kengashi esa Rossiya qo‘shinlaridan chet elda foydalanishni ma’qullagani haqida xabar berilgan edi.
Izoh (0)