30 сентябрь, чоршанба куни Суриянинг Хомс провинцияси бомбардимон қилиниши оқибатида камида 27 киши, жумладан, 6 нафар бола ҳалок бўлди. Бу ҳақда «РБК» хабар бермоқда.
Лондонда жойлашган Сурия инсон ҳуқуқларини ҳимоя қилиш маркази маълумотларига кўра, зарбалар Хомс шаҳри шимолига қаратилган. Ўнлаб одамлар жароҳатлангани айтилмоқда.
Эслатиб ўтамиз, олдинроқ Сурия президенти Башар Асад ҳарбий ёрдам сўраб, Россияга мурожаат этганлиги, Федерация Кенгаши эса Россия қўшинларидан чет элда фойдаланишни маъқуллагани ҳақида хабар берилган эди.
Изоҳ (0)