O‘zbekistonning birinchi raketkasi Denis Istomin Xitoyning Shenjen shahrida davom etayotgan ATP doirasidagi Shenzhen Open turniridagi ishtirokini boshladi. Ushbu musobaqaning mukofot jamg‘armasi 668 ming 945 AQSh dollarini tashkil etadi, deb xabar beradi “Olamsport”.
Afsuski, Istomin ilk davradayoq chexiyalik Lukash Rosolga imkoniyatni boy berib qo‘ydi. Bir soatu 16 daqiqa davom etgan bahsda Istomin raqibiga 6:7(4), 4:6 hisobida yutqazdi. 29 yoshli Denis dunyo reytingida 60, 30 yoshli Rosol esa 80-o‘rinni egallab turibdi.
Har ikki tennischi uchrashuv davomida 5 tadan eys zarbasini amalga oshirdi. Ikki tennischining o‘zaro uchrashuvlaridagi hisob 2:1 ga yetdi, Rosol foydasiga. Endi Lukash Shenzhen Open turnirining ikkinchi davrasida ispaniyalik Gilyermo Garsiya-Lopesga qarshi kortga chiqadi. Istomin esa bor e’tiborini juftlikdagi ishtirokiga qaratadi.
Izoh (0)