YeChLning 2-turida “Barselona” irodali g‘alabaga erishdi, “Bavariya” yirik hisobda yutdi

29-sentabr oqshomida Yevropa Chempionlar Ligasining 2-turidan o‘rin olgan sakkizta o‘yin bo‘lib o‘tdi, deb xabar beradi “Olamsport”.

“Barselona” klubi o‘z maydonida irodali g‘alabaga erishdi. Kataloniyaliklar Leverkuzenning “Bayer” klubiga yutqaza turib, yakunda 2:1 hisobida g‘alaba qozondi.

Londonning ikki klubi bu turda mag‘lubiyat alamini totib ko‘rdi. “Arsenal” o‘z maydonida Gretsiyaning “Olimpiakos” klubiga 2:3 hisobida imkoniyatni boy bergan bo‘lsa, “Chelsi” safarda “Portu”dan 1:2 hisobida yengildi.

Kutilmagan natija Borisovda qayd etildi. Unda Belarus chempioni BATE Italiyaning “Roma” jamoasini 3:2 hisobida dog‘da qoldirdi. “Zenit” ham bu turda zafar quchdi. Piterliklar Belgiyaning “Gent” klubidan 2:1 hisobida ustun keldi.

Yevropa Chempionlar Ligasi, 1-tur.

“E” guruhiBarselona (Ispaniya) – Bayer (Germaniya) 2:1 (0:1)Gollar: 0:1 – 22 Papadopulos, 1:1 – 80 Serji Roberto, 2:1 – 82 Suares.

BATE (Belarus) – Roma (Italiya) 3:2 (3:0)Gollar: 1:0 – 8 Stasevich, 2:0 – 12 Mladenovich, 3:0 – 30 Mladenovich, 3:1 – 66 Jervinyo, 3:2 – 82 Torosidis.

“F” guruhiBavariya (Germaniya) – Dinamo (Xorvatiya) 5:0 (4:0)Gollar: 1:0 – 13 Duglas Kosta, 2:0 – 21 Levandovski, 3:0 – 25 Gyotse, 4:0 – 28 Levandovski, 5:0 – 55 Levandovski.

Arsenal (Angliya) – Olimpiakos (Gresiya) 2:3 (1:2)Gollar: 0:1 – 33 Pardo, 1:1 – 35 Uolkott, 1:2 – 40, avtogol Ospina, 2:2 – 65 Sanches, 2:3 – 66 Finnbogason.

“G” guruhiMakkabi (Isroil) – Dinamo (Ukraina) 0:2 (0:1)Gollar: 0:1 – 4 Yarmolenko, 0:2 – 50 Morayes.

Portu (Portugaliya) – Chelsi (Angliya) 2:1 (1:1)Gollar: 1:0 – 39 Andre Andre, 1:1 – 45 Villian, 2:1 – 52 Maykon.

“H” guruhiZenit (Rossiya) – Gent (Belgiya) 2:1 (1:0)Gollar: 1:0 – 35 Zyuba, 1:1 – 56 Matton, 2:1 – 67 Shatov.

Lion (Fransiya) – Valensiya (Ispaniya) 0:1 (0:1)Gol: 0:1 – 42 Feguli.