Edvard Snoudenning Twitter’dagi birinchi xabari deyarli 90 ming marta retvit qilindi

AQSh maxsus xizmatlari sobiq xodimi Edvard Snouden Twitter ijtimoiy tarmog‘ida sahifa ochdi.

“Endi meni eshityapsizmi?” — deb yozdi Markaziy razvedka boshqarmasi xodimi mikroblogdagi birinchi xabarida. Uni hozirgacha 89 ming martadan ko‘proq retvit qilishdi, Snoudenning sahifasiga esa 830 mingdan ziyod foydalanuvchi obuna bo‘ldi.

Can you hear me now?

— Edward Snowden (@Snowden) September 29, 2015

Edvard Snouden bilan bog‘liq mojaro 2013-yil iyunida kelib chiqqan edi. O‘shanda u AQSh maxsus xizmatlari internet va mobil aloqa orqali butun dunyodagi foydalanuvchilarni kuzatib borgani haqidagi maxfiy axborotlarni fosh etgan edi.

2013-yilning 1-avgust kuni Rossiya hukumati AQSh maxsus xizmatlarining sobiq xodimiga bir yillik muddatga vaqtinchalik boshpana berishga qaror qilgan edi. 2014-yil 7-avgust kuni esa Edvard Snouden uch yil muddatga Rossiya Federatsiyasida istiqomat uchun guvohnomaga ega bo‘ldi.