Qrimning Simferopol shahri markazida BMW mashinasi haydovchisi katta tezlikda jamoat transporti bekati oldidagi simyog‘ochga borib urildi. YTH vaqtida bekatda bo‘lgan maktab o‘quvchisi mo‘jizaviy tarzda omon qoldi. Bu haqda Simferopol shahri sayti “3652.ru” xabar bermoqda.
Videoni simferopolliklar ijtimoiy tarmoqlarga joylashtirdi. Kameralardagi ma’lumotga ko‘ra, yo‘l-transport hodisasi 2015-yil, 25-sentabr kuni, soat 07:26 da sodir bo‘lgan. Videoda mashina katta tezlikda to‘siqni buzib o‘tib, simyog‘ochga urilganini ko‘rish mumkin. Bu paytda maktab o‘quvchisi simyog‘och yonidan o‘tib ketayotgan bo‘lgan. Agar simyog‘och bo‘lmaganida, mashina bolani urib ketgan bo‘lar edi.
Qrim Yo‘l harakati xavfsizligi davlat inspeksiyasi ma’lumotnomasida ushbu avariya haqida yozuvlar yo‘q. Bundan avtomobil haydovchisi jabrlanmaganini xulosa qilish mumkin.
Izohlarda foydalanuvchilar bolaning omadi kelgani, avtomobil haydovchisini esa javobgarlikka tortish kerakligini ta’kidlamoqda.
Foydalanuvchilardan biri haydovchi bilan shaxsan tanish ekanligini, rulda bo‘lgan 18 yoshli yigit gaz va tormoz pedalini adashtirib qo‘yganini qayd etdi.
Izoh (0)