Qozog‘iston prezidenti BMT shtab-kvartirasini Osiyoga ko‘chirishni taklif qildi. Bu haqda Kazakhstan Today xabar bermoqda.
“70 yil avval Millatlar ligasi o‘rniga Birlashgan Millatlar tashkiloti tuzilayotganda uning shtab-kvartirasini Nyu-Yorkda joylashtirishga qaror qilingandi, — deb izoh berdi Nursulton Nazarboyev BMT Bosh Assambleyasining 70-sessiyasidagi chiqishi chog‘ida.— Bu o‘sha paytda dunyoning rivojlanish markazi Yevropadan global o‘sishning yangi nuqtasi — AQShga ko‘chgani bilan bog‘liq”.
Qozog‘iston prezidentining aytishicha, XXI asrda Yer yuzi aholisining uchdan ikki qismi yashayotgan va ulkan resurslar jamlagan Osiyo qit’asi taraqqiyotning yangi markaziga aylanib bormoqda.
“Bunday tarixiy imkoniyatdan albatta foydalanish lozim. BMT shtab-kvartirasini Osiyoga ko‘chirish to‘g‘risida o‘ylab ko‘rishni taklif qilaman”, — deya ta’kidlagan Nazarboyev.
Izoh (0)