Rossiya prezidenti Vladimir Putin AQSh prezidenti Barak Obama bilan uchrashuvdan so‘ng rossiyalik jurnalistlar savollariga javob berdi, deb yozadi “Kommersant”.
Unda Putin ta’kidlashicha, Rossiya va AQSh munosabatlari darajasi Amerika tomoni tashabbusi bilan pasaygan. Shu bilan birga, AQSh, Putin so‘zlariga ko‘ra, “bu birinchi planga chiqarilmayotgan bo‘lsa-da, Ukrainadagi vaziyat bo‘yicha muzokaralarda faol ishtirok etmoqda.
Rossiya prezidenti matbuot anjumanida Pyotr Poroshenko BMT Bosh Assambleyasi majlislar zalini uning nutqi chog‘ida tark etganiga bo‘lgan munosabatini bildirdi. Putin o‘zining chiqishi davomida Poroshenko yo‘qligini sezmaganini aytdi, biroq shaxsiyatga tegmasligini ta’kidladi.
“Dunyo yetakchilarining barchasi hozir bo‘lishi muhim ham emas”, — deya qo‘shib qo‘ydi u.
Eslatib o‘tamiz, Nyu-Yorkda AQSh prezidenti Barak Obama va Rossiya prezidenti Vladimir Putinning ikki yil ichidagi birinchi ikki tomonlama uchrashuvi bo‘lib o‘tdi.
Izoh (0)