Eron prezidenti Hasan Ruhoniy Makkadagi haj ziyorati chog‘ida Eron fuqarolari halok bo‘lgani tufayli, o‘zining BMT Bosh assambleyasiga tashrifini to‘xtatib, Tehronga qaytadi, deya xabar bermoqda “Gazeta.ru”.
Eron rahbari matbuot xizmati xabariga ko‘ra, Nyu-Yorkka yetib kelganidan buyon, prezident Minodagi hodisalar va jabrlangan eronlik ziyoratchilar haqidagi yangiliklarni kuzatib borgan.
Halok bo‘lgan ziyoratchilarning jasadlari ortilgan birinchi samolyot Tehronga 29-sentabr kuni yetib keladi, shu tufayli Ruhoniy AQShni bir kun avval tark etadi.
Makkadagi tiqilinch natijasida jami 769 kishi qurbon bo‘lgan. Ulardan 169 nafari eronliklardir. Shuningdek, yana mamlakatning 300 ga yaqin fuqarosi bedarak yo‘qolgan deb e’lon qilingan.
Izoh (0)