Meksikada ta’lim sohasidagi islohotlarga norozilik bildirgan 43 talabaning yo‘qolganiga bir yil to‘lishi munosabati bilan minglab odamlar ko‘chalarga chiqdi. Bu haqda 27-sentabr, yakshanba kuni Associated Press agentligi xabar bermoqda.
Namoyishchilar aybdorlarni javobgarlikka tortilishni, shuningdek, prezident Enrike Penya Nyetoning iste’fosini talab qildi. Namoyishga bedarak yo‘qolgan talabalarning ota-onalari yetakchilik qildi. Ular rasmiy tergov natijalariga ishonmayapti va barcha aybdorlarni topishni talab qilib, yangi tergov olib borilishini talab qilmoqda.
Avvalroq namoyishchilar bilan prezident uchrashgan edi. U Meksikadagi barcha yo‘qolishlar bo‘yicha ish olib boradigan yangi maxsus bo‘linmani tashkil etishga va’da berdi. Hukumat ma’lumotlariga ko‘ra, 2007—2015-yillar mobaynida mamlakatda 25 mingdan ortiq odam bedarak yo‘qolgan.
Izoh (0)