Germaniya kansleri Angela Merkel BMT Xavfsizlik kengashini zamonaviy dunyoda hokimiyatning taqsimlanishini hisobga olgan holda qayta shakllantirish zarurligini ma’lum qildi. Merkel bu haqda Braziliya, Hindiston va Yaponiya vakillari bilan bo‘lib o‘tgan uchrashuv vaqtida ma’lum qilgan, deb xabar beradi “RBK”.
“Bizga masalalarni hal etishning yangi uslubi kerak. Bu esa Xavfsizlik kengashi islohot o‘tkazishi kerakligi va bu jahondagi hokimiyat taqsimlanishini nisbatan haqqoniy aks ettirib bera olishi zarurligini bildiradi”, — dedi Germaniya hukumati rahbari.
Germaniya kanslerining so‘zlariga ko‘ra, mazkur maqsadga erishish uchun “ittifoqchilarni topish” va “juda donolik bilan harakat qilish lozim”.
“Hozirgi kunda nafaqat Germaniya, Braziliya, Hindiston va Yaponiya, balki ko‘plab boshqa mamlakatlar ham Xavfsizlik kengashining tuzilmasi va faoliyatidan qoniqish hosil qilmayapti. Xavfsizlik kengashining zamonaviy, XXI asrga mos keladigan ishchi tuzilmasini tashkil etish uchun boshqa mamlakatlar ham bizga qo‘shilishlarini istaymiz”, — dedi Merkel.
Reuters’ning yozishicha, veto huquqiga ega besh mamlakat — AQSh, Buyuk Britaniya, Fransiya, Rossiya va Xitoy BMT Xavfsizlik kengashining doimiy a’zosi hisoblanadi.
Izoh (0)