Tashqi ishlar vazirligi Singapurga yo‘l olayotgan O‘zbekiston fuqarolariga ushbu mamlakatda yuzaga kelayotgan noqulay ekologik vaziyatni e’tiborga olishni tavsiya qildi, deya xabar bermoqda “Gazeta.uz”.
O‘zbekiston Respublikasining Singapurdagi elchixonasi ma’lumotiga ko‘ra, ushbu mamlakatda havoning yonuvchan mahsulotlar bilan ifloslanishi 2015-yil 25-sentabr holatiga joriy yilda kuzatilayotgan eng baland daraja — PSI (Pollutant Standards Index) shkalasi bo‘yicha 324 punktga yetgan. Sog‘lom odamlar uchun xavfni 100 balldan ziyod ifloslanish yuzaga keltiradi.
Mahalliy meteoxizmatlar prognozlariga ko‘ra, kuchli tutun uzoq vaqt davomida saqlanib qolishi mumkin. Havoning ifloslanishi Indoneziyaning Sumatra va Kalimantan orollaridagi o‘rmon yong‘inlaridan kelib chiqqani xabar berilmoqda.
Izoh (0)