Ташқи ишлар вазирлиги Сингапурга йўл олаётган Ўзбекистон фуқароларига ушбу мамлакатда юзага келаётган ноқулай экологик вазиятни эътиборга олишни тавсия қилди, дея хабар бермоқда «Газета.uz».
Ўзбекистон Республикасининг Сингапурдаги элчихонаси маълумотига кўра, ушбу мамлакатда ҳавонинг ёнувчан маҳсулотлар билан ифлосланиши 2015 йил 25 сентябрь ҳолатига жорий йилда кузатилаётган энг баланд даража — PSI (Pollutant Standards Index) шкаласи бўйича 324 пунктга етган. Соғлом одамлар учун хавфни 100 баллдан зиёд ифлосланиш юзага келтиради.
Маҳаллий метеохизматлар прогнозларига кўра, кучли тутун узоқ вақт давомида сақланиб қолиши мумкин. Ҳавонинг ифлосланиши Индонезиянинг Суматра ва Калимантан оролларидаги ўрмон ёнғинларидан келиб чиққани хабар берилмоқда.
Изоҳ (0)