Velotrial afsonasi Kenni Belay qalinligi olti santimetr bo‘lgan sleklayn trosi orqali velosipedda o‘tdi. Bu haqda “Korrespondent.net” xabar bermoqda.
Belay mazkur tryukni fransuz Alp tog‘larida amalga oshirdi. Sinov uchun rayder dengiz sathidan 2,7 ming metr balandlikda joylashgan 112 metrlik qoyani tanladi.
“Bir necha oy davom etgan mashg‘ulotlar va tayyorgarlikdan so‘ng, birinchi marta tros bo‘ylab o‘tdim. Kuchimga ishonchim to‘la komil edi. Biroq o‘tish vaqtida xayolimdan bir fikr hech ketmadi: “Buni amalga oshirib bo‘lmaydi!” Osma arqon bo‘ylab o‘tish — hayotim davomida men duch kelgan eng murakkab sinov edi. Endi men Oyda velosiped boshqargan birinchi odam bo‘lmoqchiman”, — dedi Belay.
Qayd etish joiz, Belay velotrial bo‘yicha yetti karra jahon chempionidir. Shuningdek, u uch marta Yevropa chempionati va olti marta Jahon kubogida g‘olib chiqqan.
Izoh (0)