O‘zbekistonning birinchi raqamli tennischisi Denis Istomin Rossiyaning Sankt-Peterburg shahrida davom etayotgan mukofot jamg‘armasi 1 million 30 ming dollarni tashkil qiluvchi turnirning yakkalik bahslaridagi ishtirokini ham g‘alaba bilan boshladi, deb xabar beradi “Olamsport”.
Istomin 23-sentabr kuni kechgan uchrashuvda qozog‘istonlik Mixail Kukushkinni mag‘lubiyatga uchratdi. Ilk set g‘olibi tay-brekda aniqlandi. Unda Istomin zafar quchdi. Denis ikkinchi setni 2:6 hisobida boy berdi. Lekin hal qiluvchi uchinchi setda Denis aynan 6:2 hisobi bilan raqibini dog‘da qoldirdi.
Turnirda 8-raqam ostida tasniflangan Kukushkinni 7:6, 2:6, 6:2 hisobida mag‘lub etgan Istominning ikkinchi davradagi raqibi germaniyalik Benjamin Bekker bo‘ladi.
Kukushkin dunyo reytingida 48-pog‘onadan joy olgan bo‘lsa, Denis Istomin 62-o‘rinni egallab turibdi.
Eslatib o‘tamiz, Istomin Sankt-Peterburgdagi turnirning juftliklar musobaqasi ilk davrasida g‘alaba qozongan edi.
Izoh (0)