Велотриал афсонаси Кенни Белай қалинлиги олти сантиметр бўлган слеклайн троси орқали велосипедда ўтди. Бу ҳақда «Корреспондент.net» хабар бермоқда.
Белай мазкур трюкни француз Альп тоғларида амалга оширди. Синов учун райдер денгиз сатҳидан 2,7 минг метр баландликда жойлашган 112 метрлик қояни танлади.
«Бир неча ой давом этган машғулотлар ва тайёргарликдан сўнг, биринчи марта трос бўйлаб ўтдим. Кучимга ишончим тўла комил эди. Бироқ ўтиш вақтида хаёлимдан бир фикр ҳеч кетмади: «Буни амалга ошириб бўлмайди!» Осма арқон бўйлаб ўтиш — ҳаётим давомида мен дуч келган энг мураккаб синов эди. Энди мен Ойда велосипед бошқарган биринчи одам бўлмоқчиман», — деди Белай.
Қайд этиш жоиз, Белай велотриал бўйича етти карра жаҳон чемпионидир. Шунингдек, у уч марта Европа чемпионати ва олти марта Жаҳон кубогида ғолиб чиққан.
Изоҳ (0)