Агар Каталония қироллик таркибидан чиқадиган бўлса, мухтор вилоят аҳолиси Испания фуқаролигидан маҳрум бўлади. Бу ҳақда, «ТАСС» хабарига кўра, Испания ташқи ишлар вазири Хосе Мануэль Гарсиа-Маргалё маълум қилди.
«Агар маълум бир ҳудуд бир давлат таркибидан чиқадиган бўлса, турган гапки, ҳудуд мазкур давлат унга берган барча рамзлардан маҳрум бўлади», — деди Испания Ташқи ишлар вазирлиги раҳбари.
Вазирнинг ёдга солишича, «Лотин Америкаси республикалари Испаниядан мустақиллигини эълон қилганида, Испания фуқаролигидан ҳам маҳрум бўлган».
Унинг маълум қилишича, мустақилликни бир томонлама эълон қилиш «Испания конституциясига ва бошқа исталган мамлакат конституциясига ҳам зид ҳолатдир».
Шу муносабат билан, ТИВ раҳбарининг қайд этишича, агар Каталония қироллик таркибидан чиқишга қарор қилса, «бу қарор ҳеч қандай юридик кучга эга бўлмайди, Европа Иттифоқи томонидан ҳам, БМТ тарафдан ҳам тан олинмайди».
Изоҳ (0)