AQShning Garvard universiteti qoshidagi Sanders teatrida “avval kulguni qistovchi, keyinroq o‘ylanishga undovchi” ilmiy yutuqlar uchun taqdim etiluvchi Antinobel mukofoti – Shnobel taqdimotining 25-marosimi bo‘lib o‘tdi. Bu haqda “Gazeta.ru” xabar beradi.
Bu yil mukofot sohiblarining har biri “kattagina” mukofot puli – 10 trillion Zimbabve dollari uchun berilgan chekka ega bo‘ldi.
Kimyo bo‘yicha Shnobel mukofoti tovuqning qaynatilgan tuxumini qaytadan xom tuxumga aylantirish usulini kashf etgan olimlarga topshirildi.
Fizika bo‘yicha mukofot sut emizuvchilarning o‘lchami ularning siydik chiqarish uchun sarflagan vaqtiga bog‘liq emasligini isbotlagan amerikalik olimlarga taqdim etildi.
Iqtisodiyot bo‘yicha Antinobel mukofoti pora olishdan bosh tortgan politsiyachilarga mukofot puli berishni taklif qilgan Bangkok politsiyasi rahbariyatiga berildi.
AQSh va chililik olimlar tovuqqa dum protezi ulansa, u dinozavr kabi yura boshlashini aniqlaganligi uchun biologiya sohasidagi Shnobel mukofotini qo‘lga kiritdi.
Psixologiya va entomologiya sohasidagi mukofot qaysi hasharotlarning chaqishi eng og‘riqli ekanligi va inson tanasining qaysi organlari bunday chaqishlarga eng ta’sirchan ekanligini aniqlagan tadqiqotchilarga topshirildi.
Izoh (0)