Медведев Россияда ўтказган асосий ислоҳотлар санаб ўтилди (фотогалерея)

Россия ҳукумати раиси Дмитрий Медведев 50 ёшга тўлди, дея хабар бермоқда «РБК».

Унинг иш тажрибаси Санкт-Петербург мэри, «Газпром» директорлар кенгаши раиси, президент маъмурияти раҳбари, ҳукумат раиси ўринбосари, президент ва бош вазир лавозимларини ўз ичига олади.

Медведев тарихга кенг кўламли лойиҳалар ва ислоҳотлар муаллифи сифатида кирган. «РБК» уларнинг энг машҳурларини эсга олди.

Милиция ислоҳоти

У барча милиция ходимларининг қайта аттестациядан ўтказилиши, шахсий таркиби қисқартирилиши, полициячиларнинг жамоатчилик фикрини ҳисобга олган ҳолда баҳоланиши ва, асосийси, «полиция» деб номланишини кўзда тутади.

Москванинг кенгайтирилиши

2010 йил июнида Медведев пойтахт майдонини унга қатор туманларни қўшиш орқали икки ярим марта кенгайтиришни таклиф қилди.

Сиёсий либерализация

2011 йилги Давлат думаси сайловларидан кейин бўлиб ўтган оммавий норозилик намойишларидан сўнг Медведев тизимнинг консервациясидан норозиликларга барҳам беришга қаратилган кенг кўламли сиёсий ислоҳот ўтказишни таклиф қилди.

Жиноий кодекснинг гуманизация қилиниши

Жиноий кодексга мажбурий ишлар ва электрон браслетлар тақиш киритилди. Жиноятларнинг бир қисми учун қамоқ жазоси бекор қилинди.

АҚШ билан муносабатларнинг янгиланиши

2009 йил 6 мартида Россия ва АҚШ ташқи ишлар вазирлари Сергей Лавров ва Ҳиллари Клинтон Вашингтондан келтирилган «Қайтадан ишга тушириш» тугмасини босди, бу икки мамлакат алоқаларини янги сифатдаги даражага чиқаришни билдиради.

Шунингдек, Медведев томонидан жорий этилган миллий лойиҳалар, даромадлар ҳақида декларация, қишки вақтга ўтишнинг бекор қилиниши санаб ўтилди.