Ramzan Qodirovning advokati Janubiy Saxalin sudi qarori yuzasidan shikoyat jo‘natdi
Checheniston rahbari Ramzan Qodirovning advokati Janubiy Saxalin sudiga sudya Natalya Pecherskayaning “Xudoga ibodat qilish: uning Islomdagi ahamiyati” kitobini “ekstremistik nashr” deb topish haqidagi qarori yuzasidan shikoyat jo‘natdi. Sud vakillari shikoyat kelib tushgani va ko‘rib chiqish uchun sudyaga berilganini tasdiqladi. Bu haqda “Gazeta.ru” xabar bermoqda.
O‘rnatilgan tartib-qoidalarga muvofiq, ko‘rib chiqiladigan ishning barcha qatnashchilari sudya tomonidan muhokama uchun taklif etiladi, so‘ng ularning e’tirozlari jamlanib, rasmiylashtirilgach, yuqori turuvchi apellyatsiya sudiga yuboriladi.
Eslatib o‘tamiz, oldinroq Checheniston rahbari Janubiy Saxalin sudi sudyasi va prokurori sha’niga nisbatan aytgan so‘zlaridan qaytmasligini bildirgan edi.
