Apple va Shell kompaniyalari 5,45 mlrd yevrolik yevrobondlarni joylashtirmoqchi

Amerikaning Apple hamda Britaniya va Niderlandiyaning Royal Dutch Shell kompaniyalari yevrohududda qarz olishning past qiymati kuzatilayotgan bir paytda yevroda obligatsiya joylamoqchi, deya xabar bermoqda “Vedomosti”.

Apple har biri 1 milliard yevrolik 8 va 12 yillik ikkita emissiya joylashni rejalashtirmoqda. Shell esa jami hajmi 3,45 milliard yevroga teng uch seriyali obligatsiyalarni joylashtirmoqchi.

Dealogic konsalting firmasi ma’lumotlariga ko‘ra, joriy yilda Amerika kompaniyalari Yevropa firmalariga nisbatan ko‘proq yevrobond sotgan.