Хориждаги ҳисоб рақамларда музлатиб қўйилган Эронга тегишли жами маблағлар миқдори 92 миллиард долларга тенг. Бу ҳақда, Эроннинг Financial Tribune газетасига асосланиб, «ТАСС» хабар бермоқда.
Moody’s халқаро рейтинг агентлигининг Эрон банк сектори истиқболларига бағишланган ҳисоботида қайд этилишича, Эронга нисбатан санкциялар бекор қилиниши билан, мамлакатнинг музлатиб қўйилган маблағларини ярми Эрон давлат банкларини рекапитализацияси учун йўналтирилади ёки мамлакатдаги инфратузилмавий лойиҳаларга қайта сармоя сифатида киритилади.
Moody’s прогнозларига кўра, Эрон иқтисодиёти диверсификациясига, катта эҳтимол билан, Эрон банклари яқин алоқа ўрнатиб улгурган БАА ва Ливан каби мамлакатларнинг молия институтлари жалб қилинади. Бундан ташқари, Хитой, Ҳиндистон ва бир қатор Ғарб мамлакатлари банклари билан ҳам истиқболли молиявий муносабатлар ўрнатилиши мумкин, деб тахмин қилинмоқда.
Изоҳ (0)