Yaponiyada “Kilo” to‘foni oqibatida kamida 6 kishi jabrlandi

Yaponiyaning Xonsyu oroli markaziy qismiga yopirilgan “Kilo” to‘foni oqibatida kamida olti kishi turli darajada shikastlandi, deb xabar beradi “RIA Novosti”.

Ayti prefekturasida keksa ayol kuchli shamol natijasida yiqilib, oyog‘ini sindirib oldi. Sidzuoka prefekturasida yana besh kishi jabrlandi.

Avvalroq Yaponiyaning Sidzuoka, Mie va Kanagava prefekturalaridagi 57 ming aholi toshqin va selning yuzaga kelish xavfi mavjudligi tufayli evakuatsiya bo‘yicha tavsiyalar olgan edi. Hozirgi paytda to‘fon Ayti prefekturasiga bostirib keldi.