Floyd Meyvezerning Andre Bertoga qarshi yaqinda o‘tkaziladigan olishuvidan so‘ng, bokschi faoliyatini yakunlashi haqida ovozalar tarqaldi. Shu bois hozirdan Floydni suratga olish maydoniga chorlayotgan kinostudiyalar soni ko‘paydi. Bu haqda “Korrespondent.net” xabar bermoqda.
“O‘tgan hafta kinoda rol ijro etish yuzasidan 3 ta jiddiy taklif oldik. Floyd o‘z faoliyatini shou-biznesda davom ettirsa ajab emas. Ishonavering, u buni a’lo darajada uddalaydi”, — deya takidlagan Meyvezerning yordamchisi Leonard Ellerbi.
Bokschida teleekranlarda ko‘rinish berish tajribasi bor, u oldinroq “Yulduzlar bilan raqslar” shousida ishtirok etgandi.
Izoh (0)